Teatri Kombëtar i Operas dhe Baletit në FInlandë ka demonstruar se si realiteti virtual mund të jetë një mjet tepër efiçient për prodhimet në shkallë të lartë. Në realizimin e Turandot të Giacomo Pucchini, teknikët e TKOB në Finlandë përdorën teknologjinë për të krijuar një set të tërë në VR.
Sipas krijuesve të këtij projekti, përdorimi i kësaj teknologjie kontribuoi në uljen e kostove si dhe në kursimin e kohës.
“Pas 20 vitesh eksperiencë me modelimin e dritave, ekipi ynë i teknikëve kuptoi se ne kishim nevojë për një zgjidhje më efiçiente në dorëzimin e rezultateve, njëkohësisht me rezultate më të mira dhe në një kohë më të shkurtër.” tha Timo Tuovila, drejtues teknik në TKOB Finlandë.
Teknikët donin të përdornin një ndërfaqje intuitive me modele fotorealistike, prandaj vendosën të përdornin teknilogjinë XR të Varjo. Kjo kompani prodhon headsets profesionale të cilësisë së lartë, duke ofruar cilësi pothuajse perfekte të imazhit si dhe një eksperiencë më realiste.
Shtëpia e operas u bë render në një ambient 3D para se të krijoheshin setet fizike nga ekipi i teknikëve. “Ne ishim në gjendje të krijonim një binjak dixhital të skenës në mënyrë shumë të detajuar që arrinte pritshmëritë e artistëve tanë.” shtoi Touvila.
Dizenjimi në VR ka reduktuar ndjeshëm kostot e materialeve. Varjo tregon se përdorimi i XR Stage ka kursyer rreth 1,500 orë pune dhe $75,000 kosto për produksionin.
