Kia Corporation ka prezantuar pamjet e para të jashtme dhe dizajnin interior të Kia EV9, makinës së parë elektrike flagship SUV me 3 rreshta ndenjësesh e cila shpreh stilimin e ashpër me elegancën e sofistikuar si në pjesën e brendshme dhe atë të jashtme. Kia EV9 përfaqëson një hap tepër të rëndësishëm në rrugëtimin e kompanisë drejt shndërrimit në një ofrues të zgjidhjeve të qëndrueshme të lëvizshmërisë.
Prezenca e ashpër plot besim e EV9 është inspiruar nga filozofia e dizenjimit “Opposites United” të Kia, e cila shfrytëzon tensionin kreativ të gjeneruar nga vlerat e ndryshme të natyrës dhe modernizmit për të krijuar një tërësi harmonike. Dizenjuesit në Kia kanë krijuar një kombinim unik të formave skulpturore të hijshme dhe gjometrisë për të ofrua një SUV tepër kontemporan plot hijeshi.
“Kia EV9 hap zhvillon një terren të ri, ku qëllimi është ridefinimi i standardeve të dizenjimit, ndërlidhjes, përdorimit dhe përgjegjësisë ambientale,” tha Karim Habib, zëvëndës president ekzekutiv dhe drejtues i Kia Global Design Center. “Kia EV9 i bën përdoruesve një ofertë me cilësi shumë të lartë dhe një prespektivë të re EV në familjen e makinave SUV. Kjo tipologji e re e makinave ofron eksperienca instiktive dhe komfort ekselent jo vetëm për drejtuesit, por edhe për të gjithë pasagjerët përmes përdorimit inovativ të hapësirës, teknologjisë dhe dizajnit.”
Dizajni i jashtëm: vendosja e standardeve të reja për dizenjimin e SUV elektrik në të ardhmen
Pjesa e përparme e EV9 paraqet disa linja të thjeshta dhe të mirëdefinuara në sipërfaqjen e saj, duke shfaqur besimin, qartësinë dhe qetësinë në masa të barabarta. Falë theksimit të ndriçimit vertikal tërheqës nga “Digitial Pattern Lighting Grille”, pamja e veçantë e “Fytyrës Dixhitale të një Tigri” krijon një ndjesi futuristike të makinës.
Profili anësor i EV9 i krijuar nga një gjuhë dizenjimi shumëkëndore, kombinon mjaft mirë një identitet të fortë të padiskutueshëm të SUV me efiçiencën shumë të lartë aerodinamike. Dorezat e dyerve fshihen brenda në derë për të dhënë një ndjesi të lëvizjes akoma më efiçiente.
Në pjesën e pasme të makinës gjenden linjat e qarta të cilat janë të detajuara në mënyrë elegante nga dritat e holla që reflektojnë dizajnin e pjesës së parme, duke përforcuar qëndrimin e fortë plot besim të EV9.
Dizajni i brendshëm: format e rea të hapësirës, komfortit dhe eksperiencës për të gjithë pasagjerët
E ndërtuar në bazë të modelit Electric Global Modular Platform (E-GMP) të Kia, lartësia e rrotave të EV9 dhe arkitektura tërësisht e sheshtë e makinës elektrike ka lehtësuar krijimin e një hapësire të bollshme për të gjithë pasagjerët në mënyrë që ata të relaksohen me komfortin si në një lounge në të 3 rreshtat e ndenjësve. Makina ofrohet në formatin me 6 dhe 7 ndenjëse, duke pasqyruar feedback-un e marrë nga familjet që vlerësojnë konfigurimin e ndenjëseve për të siguruar se EV9 ofron një sasi të barabartë hapësire, komforti dhe eksperience për të gjithë pasagjerët, pa e vendosur të gjithë fokusin tek drejtuesi i makinës.
Ndenjëset në rreshtin e dytë mund të rrotullohen 180 gradë në mënyrë që pasagjerët të ndërveprojnë me shtypjen e një butoni dhe me pasagjerët e tjerë në rreshtin e 3-të të ndenjëseve.
Në pjesën e përparme të kabinës tepër të madhe, EV9 përdor materiale të cilësisë mjaft të lartë me një dizajn tepër miqësor për përdoruesit. Gjenden 2 ekrane 12.3 inç të integruara me një segment tjetër 5 inç nga timoni deri në qendrën e makinës duke përmirësuar eksperiencën dixhitale si dhe kontrollimin mjaft të lehtë të shërbimeve të makinës.
Kia EV9 do të pezantohet zyrtarisht në tregun global në fund të muajit mars. Gjatë këtij eventi Kia do të paraqesë informacionet e plota të këtij produkti dhe do të nisë një fushatë të re botërore me sloganin “Këtu për të riformuluar mënyrën se si lëvizim”.
