Samsung ka prezantuar një shërbim të ri në asistentin virtual Bixby i cili mund t’iu përgjigjet telefonatave kur ju nuk mundeni, duke rikrijuar zërin tuaj me ndihmën e AI.
“Custom Voice Creator” lejon përdoruesit që të regjistrojnë fjali të ndryshme në mënyrë që Bixby të analizojë zërin tuaj dhe të krijojë një kopje virtuale përmes inteligjencës artificiale. Për fat të keq ky shërbim ofrohet momentalisht vetëm në Korenë e Jugut në pajisjet Galaxy S23.
Shërbimi do të futet në punë menjëherë në momentin kur ju nuk mund të përgjigjeni në telefon, mjafton që ju të shkruani një fjali që dëshironi t’ia tregoni personit që po telefonon dhe Bixby do të përgjigjet në vendin tuaj duke përdorur një zë të ngjashëm me tuajin.
Gjithashtu Samsung ka prezantuar dhe Bixby Text Call, një shrëbim që transformon telefonatat zanore në një tekst të shkruar. Dhe ky shërbim u prezantua vitin e kaluar në Kore, mirëpo tashmë ka fituar dhe mbështetje në gjuhën angleze. Me pak fjalë ju do të shkruani një mesaazh të cilin Bixby do t’ia lexojë personit që ju ka telefonuar, dhe përgjigja e këtij personi do të shfaqet me tekst në ekranin tuaj.
Nëse ju jeni mërzitur duke thënë “Hey Bixby”, tashmë mund të ndryshoni këtë frazë aktivizimi në çfarëdo frazë që të dëshironi.
