Snapchat ka prezantuar ditën e mërkurë teknologjinë e re ray tracing në AR Lens Studio për të gjithë zhvilluesit në mbarë botën. Ray tracing është një aftësi teknike e cila lejon gjenerimin e përmbajtjeve AR në mënyrë më realistike. Për të krijuar këtë shërbim Snap ka bashkëpunuar me Tiffany & Co. për të lançuar filtrin e parë që ka të përfshirë ray tracing.
Përdoruesit e Lens në Snapchat mund të provojnë në dorën e tyre byzylykë të ndryshëm në Tiffany Lock duke përdorur AR për të shikuar se si duken, madje mund t’i porosisin ato direkt nga aplikacioni.
Kompania tregon se kjo është hera e parë që teknologjia ray tracing ofrohet në një shkallë të tillë në smartphone. Zakonisht kjo teknologji është e pranishme në aplikacionet offline, si video-lojrat, mirëpo kësaj here shërbimi vjen në rrjetin social Snapchat.
Ray tracing simulon mënyrën se si drita shfaqet në botën reale, duke përdorur një algoritëm për të llogaritur këndin e rënies së diellit në botën reale. Prandaj zhvilluesit arrijnë të krijojnë rreze virtuale drite që duket sikur shëmbëllen objektet dixhitale dhe krijon reflektime të ndryshme.
“Snapchatters kanë shumë qejf të përdorin AR për të provuar produkte të reja të modës nga markat e tyre të preferuara, duke e bërë eksperiencën e shopping më tepër argëtuese dhe personale.” tha kompania në një postim në blog.