Drejtuesi i Instagram tregoi gjatë ditës së djeshme se rrjeti social po punon për të lançuar gjatë kësaj jave shërbimin Notes drejt të gjithë përdoruesve në Evropë dhe Japoni.
Për të gjithë ju qu nuk keni dëgjuar më parë për Notes, ky është një shërbim që shfaqet në DMs dhe lejon përdoruesit të shkruajnë një status rreth tyre deri në 60 karaktere ku mund të përfshihen dhe emojit. Para këtij zgjerimi, Notes ishte i pranishëm në të gjitha vendet e tjera ku Instagram operon përçec Evropës dhe Japonisë që në dhjetor të vitit të kaluar.
Ju mund të publikoni Notes duke naviguar në krye të inbox-it, të shkruani tekstin që dëshironi dhe të përzgjidhni se kush mund të shikojë këtë status që sapo keni ngarkuar. Më pas statusi do të shfaqet për 24 orë në listën e miqve tuaj, dhe nëse ato vendosin t’i përgjigjen një Note, biseda do të vazhdojë në DMs.
Notes are now available in Europe and Japan.
Check it out and let me know what you think! ?? pic.twitter.com/MSSjQZVIuZ
— Adam Mosseri (@mosseri) January 30, 2023
Nëpërmjet një videoje të publikuar në adresën e tij Adam Mosseri shpjegoi se Evropa dhe Japonia nuk ishin përfshirë në listën e vendeve ku Notes u lançua si fiilim pasi Instagram dëshironte të sigurohej që shërbimi përshtatej me rregullat e vendosura nga shtetet përkatëse. Ai shtoi se do të duhen disa ditë deri sa shërbimi të shfaqet para të gjithë përdoruesve të Instagram në Evropë dhe Japoni.
Kjo mund të jetë një mënyrë mjaft e mirë për të nisur biseda të reja me miqtë tuaj.
