Çaji është një ndër pijet më të vjetra në botë dhe besohet të jetë zbuluar për herë të parë që në vitet 2700 para eres sonë. Megjithatë dhe në ditët e sotme ai konsumohet shumë nga njerëzit, dhe mendohet të jetë pija më e konsumuar në botë pas ujit.
Mirëpo a ishit në dijeni se ju mund të jeni duke futur në trupin tuaj mikroplastika gjatë pirjes së çajit? I gjithë problemi duket se qëndron në qeskat e çajit.
Shumë prej nesh mund të mos e besojnë këtë fakt, mirëpo rreth 1/4 e çdo qeske çaji përmban mikroplastika. Ne nuk arrijmë dot ta imagjinojmë se si miliona grimca mikroplastike qarkullojnë në filxhanin tonë sa herë që pijmë çaj.
Rreth 96% e konsumuesve të çajit preferojnë çajrat e paketuar në vend të zierjes së gjetheve të bimëve, një zgjedhje kjo jo shumë e shëndetshme. Studiuesit në McGill University në Montreal zbuluan se një numër surprizues i kompanive që shesin çaj shpërndajnë nivele shumë të larta grimcash mikroplastike në ujin e çajit.
Në një raportim u tregua se një qeskë e vetme çaji mund të shpërndajë rreth 11 miliardë grimca mikroplastike dhe 3 miliardë grimca të tilla me madhësi nanometrike kur futen në ujë të nxehtë (rreth 95 gradë). Kjo është një shifër mjaft e madhe plastike që futet në trupat tanë.
Plastika është kaq prezente në qeskat e çajit pasi prodhuesit e tyre përdorin polipropilenin për të rruajtur formën e qeskës në temperature të larta. Për këtë arsye, shumica e qeskave përmbajnë deri në 25% plastikë.
