Epic Games ka lajmëruar se duke nisur nga data 30 janar, versioni i ri i Fortnite, v13.40, në iOS dhe Google Play nuk do të mund të luhet nga lojtarët nën 18 vjeç.
Fortnite nuk është më i pranishëm në dyqanet e aplikacioneve të iOS, macOS dhe Google Play Store që nga gushti i vitit 2020, megjithatë loja mund të luhet ende në smartphone-t ku ishte e instaluar para këtij afati, dhe pse Fortnite ka mbetur që nga ajo kohë në versionin v13.40. Një tjetër ndryshim që hyjë në fuqi nga data 30 janar do të jetë dhe eleminimi i mundësisë për të shpenzuar V-Bucks.
“Ne dëshirojmë që të gjitha versionet e lojrave tona të përdorin Epic Online Services duke përfshirë këtu kontrollet prindërore, mundësitë e blerjeve dhe shërbimet për verifikimin nga prindërit. Ne nuk jemi në gjendje që të rifreskojmë aplikacionin në këto platforma për sa kohë Apple dhe Google kanë kufizuar Fortnite.” tregon Epic Games.
We want all versions of our games to use the current suite of Epic Online Services including parental controls, purchasing defaults, and parental verification features. We are not able to update the app on these platforms given Apple and Google’s restrictions on Fortnite. (2/2)
— Fortnite Status (@FortniteStatus) January 23, 2023
Në dhjetor Epic Games prezantoi adresat e limituara, të cilat parandalojnë fëmijët të shpenzojnë para në dyqanin brenda Fortnite si dhe të flasin në voice chat.
Dhe pse Epic Games i ka adresuar problematikat që ekzistonin nëpërmjet update-ve të reja, Apple dhe Google nuk e lejojnë update-imin e kësaj loje. Si rezultat, i vetmi opsion i mbetur është bllokimi i aksesit në lojë për të gjithë personat nën 18 vjeç.
