Apple ndryshon dizajnin e smartphone-ve të saj çdo disa vite, dhe kësaj here duket se kompania ka vetëm 2 opsione për sa i përket pamjes së jashtme. Pas 3 vitesh ku ofrohen vetëm këndet e mprehta në iPhone, duket se kompania do të rikthejë këndet e rrumbullakosura në serinë e iPhone 15.
Leaker-i ShrimpApplePro tregoi në Twitter se seria e iPhone 15 do të vijë me kënde të rrumbullakosura, si dhe kornizat e ekranit do të jetë akoma më të holla. Megjithatë edhe këtë vit nuk do të shikojmë një iPhone me ekran të harkuar.
Well I have the result for the display design of the iPhone 15 series.
– all iPhone 15 series will have the same display sizes as iPhone 14 series
– pro 15 will have thinner bezels with curve edges, display is still flat tho, only the bezels is curve— ShrimpApplePro ? (@VNchocoTaco) January 21, 2023
Informacionet më të reja tregojnë se ky dizajn do të jetë uniform në të gjithë serinë, gjë që tregon se iPhone 15 dhe 15 Pro do të kenë të njejtën pamje. Pritet që vitin e ardhshëm Apple të pajisë dhe modelet jo Pro të iPhone-ve me Dynamic Island.
ShrimpApplePro shtoi se me shumë mundësi nuk do të ketë përmirësime për sa i përket sensorëve të kamerave në iPhone 15, por nuk tregoi shumë detaje të tjera përveç se “këto smartphone duken shumë të bukur”.
Këndet e harkuara në serinë e re të iPhone-ve do të jenë të ngjashme me ato që gjenden në Apple Watch Ultra, për t’iu përshtatur sa më mirë produkteve flagship të kompanisë.
Më tepër detaje do të zbulohen me kalimin e muajve deri sa t’i afrohemi datës së lançimit në shtator.
article by Xhonald Mamo
