Instagram po prezanton disa shërbime të reja që janë dizenjuar për t’i dhënë më tepër kontroll përdoruesve mbi aplikacionin, duke nisur me një modalitet të ri “Quiet Mode”. Ky modalitet funksionon në mënyrë të ngjashme me shërbimin “Do Not Disturb” që gjendet në smartphone-t tuaj.
Kur Quiet Mode aktivizohet, ju nuk do të merrni më njoftime nga Instagram. Në profilin tuaj do të shfaqet gjithashtu një mesazh që ju keni aktivizuar këtë shërbim, dhe të gjithë personat që kërkojnë t’ju dërgojnë mesazhe do të marrin një përgjigje automatike që ju nuk jeni të disponueshëm.
Madje ju mund të bëni që Quiet Mode në adresën tuaj të nisë në orare të caktuara të ditës automatikisht. Që të gjithë përdoruesit e Instagram do të mund të përfitojnë nga ky shërbim, por Instagram tregon se do të nxisë aktivizimin e tij kryesisht tek adoleshentët në rast se ato e përdorin shumë rrjetin social gjatë orëve të vona të natës. Momentalisht Quiet Mode është e aksesueshme në Australi, Kanada, Irlandë, Zelandën e re, SHBA dhe Mbretërinë e Bashkuar.
Një tjetër shërbim që sapo është prezantuar është dhe kontrolli mbi llojet e përmbajtjeve që ju rekomandohen. Në hapësirën Explore, ju mund të përzgjidhni fotografi të ndryshme dhe të shtypni opsionin “Not Interested” për të personalizuar algoritmin në bazë të dëshirës tuaj. Gjithashtu ju mund të zgjeroni këtë opsion dhe për fjalë specifike, hashtags apo emoji.
