Kompania e studimit të tregut NPD Group ka zbuluar se cilat ishin video-lojrat më të shitura për vitin 2022 në SHBA.
Në vendin e parë renditej Call of Duty: Modern Warfare 2 e Activision Blizzard, e cila shiti numrin më të madh të kopjeve në muajt tetor, nëntor dhe dhjetor të vitit të kaluar.
Kjo lojë la pas në vendin e dytë Elden Ring të krijuar nga Bandai Namco, e cila u kuptua që nga dita e parë e lançimit në shkurt se do të ishte një pretendent i fortë për ta fituar këtë garë.
Top 5 në këtë listë përfundon me Madden NFL 23 (në vendin e 3-të), God of War Ragnarök (në vendin e 4-t) dhe Lego Star Wars: The Skywalker Saga.
FIFA 23 u rendit në vendin e 7-të në këtë listë, ndërkohë që në tregun evropian ajo ishte loja më e shitur në vitin 2022. Nga ana tjetër Horizon Forbidden West nga Sony u rendit në vendin e 9-të.
Të dhënat e publikuara nga NPD përfshijnë shitjet fizike dhe dixhitale në shumicën e rasteve. Shitjet dixhitale nuk janë të përfshira në këtë listë për lojrat e Nintendo, ose për versionet në Xbox dhe Switch të lojës MLB The Show 22.
Lista e plotë e video-lojrave më të shitura për vitin 2022 në SHBA:
1 – Call of Duty: Modern Warfare 2 (Activision Blizzard)
2 – Elden Ring (Bandai Namco
3 – Madden NFL 23 (Electronic Arts)
4 – God of War: Ragnarök (Sony)
5 – Lego Star Wars: The Skywalker Saga (Warner Bros. Games)
6 – Pokemon: Scarlet and Violet (Nintendo)
7 – FIFA 23 (Electronic Arts)
8 – Pokemon Legends Arceus (Nintendo)
9 – Horizon Forbidden West (Sony)
10 – MLB The Show 22 (Sony/MLB)
