Alex Morales ka vendosur të padisë Apple për “paraqitjet false dhe çorientuese” në personat me ngjyrë të errët të lëkurës të shërbimit që gjendet në Apple Watch, i cili bën të mundur matjen e oksigjenit në gjak të përdoruesit.
Paditësi nga New York, i cili tregoi se ishte në dijeni të këtij shërbimi kur bleu pajisjen në vitin 2020, tha se priste që shërbimi të punonte në rregull pavarësisht ngjyrës së lëkurës.
“Prej disa dekadash, ka patur raportime se pajisje të tilla janë shumë më pak të sakta në matjen e nivelit të oksigjenit në gjak në bazë të ngjyrës së lëkurës. Rëndësia e vërtetë e këtij paragjykimi u vu re në mes të pandemisë së COVID-19, e cila rriti ndërgjegjësimin ndaj racismit strukturor që ekziston në shumë aspekte të ndryshme të shoqërisë.” thuhet në padi.
Nëse njerëzit mbështeten në rezultatet e gjeneruara nga kjo orë, mund të vendosë pacientët me ngjyrë të errët të lëkurës në rrezik të rritur për hipoksemi. Në dhjetor të vitit 2020 u publikua një raportim nga University of Michigan Medical School që sugjeronte se “pacientët me ngjyrë të errët lëkure me hipoksemi të fshehtë ishin 3 herë më të prekur nga mos-zbulimi i kësaj gjendje nga matësit e oksigjenit, në krahasim me pacientët me ngjyrë lëkure të bardhë.”
