Gjeoinxhinieria është një degë e inxhinierisë e cila merret me mënyrat se si mjedisi përreth nesh mund të manipulohet për të arritur një qëllim të caktuar. Një kompani e re në këtë fushë ka nisur zhvillimin e një plani të ri që konsiston në lëshimin e grimcave në atmosferë që do të ndihmojnë në limitimin e ndryshimeve atmosferike.
Një gjë e tillë mund të krahasohet me situatën natyrore që ndodh pas shpërthimeve vullkanike. Pra, në teori, lëshimi i grimcave të sulfurit në atmosferë mund të ngadalësojë ngrohjen globale, duke reflektuar dritën e diellit mbrapsht në hapësirë. Mirëpo shkencëtarët ende nuk kanë guxuar të testojnë diçka të tillë në shkallë të gjërë, pasi mund të ketë efekte anësore të dëmshme.
Kompania e quajtur Make Sunsets nuk duket po kaq e shqetësuar, pasi ka nisur drejt atmosferës disa balona me sulfur nga Meksika. Kompania dëshiron gjithashtu që të shesë në të ardhmen balona që kanë kapacitet mbajtës akoma dhe më të madh.
Luke Iseman, bashkë-themeluesi i Make Sunsets tregoi për MIT Tech Review se duhet të zbulohen zgjidhje të menjëherëshme për ndryshimet klimatike që kanë potencialin për të ndryshuar radikalisht situatën.
Në balonat e përdorura nga kompania nuk ka patur pajisje monitoruese, pra është ende e paqartë se çfarë ka ndodhur apo nëse ky eksperiment ka funksionuar.
