Studiuesit në University of Nebraska-Lincoln përdorën një pyetësor për të zbuluar se përse femrat e reja i dërgojnë fotografi intime parterëve të tyre. Shumica e pjesëmarrësve në këtë pyetësor treguan se arsyeja kryesore se përse ato dërgonin këto fotografi ishte se e shikonin këtë akt “si një detyrim ose një pjesë të rëndësishme të të qenurit në një marrëdhënie romantike”.
Studiuesit zbuluan gjithashtu se femrat “pranuan shumë motivime” që i shtynin të dërgonin fotografi intime, që nga “ndjesia e eksitimit” e deri tek “krijimi i një ndjesie fuqie”.
“Femrat shpesh herë dërgojnë foto nudo drejt meshkujve, mirëpo motivet e dërgimit të këtyre fotografive janë ende të paqarta,” thanë studiuesit. ”Ne zbuluam se femrat nuk i dërgojnë fotografi të tilla pa u menduar, por janë tërësisht në dijeni të motiveve të tyre.”
207 femrat që morën pjesë në këtë studim ishin student në universitet në SHBA të moshave 19-27 vjeç, të cilat kishin dërguar më parë një fotografi nudo në jetën e tyre. Ato u pyetën nga studiuesit: “Përmes një përshkrimi sa më të plotë, tregoi arsyet që ju shtynë t’i dërgoni fotografi intime meshkujve.” Këto fotografi mund t’i dërgoheshin partnerëve ose meshkujve të tjerë, pasi ndodh që “njerëzit t’i dërgojnë fotografi intime njerëzve me të cilët nuk janë në lidhje.”
Përgjigjet variuan nga “presioni nga miqtë”, “kërkimi i shpeshtë deri në momentin që e dërguan”, “për të qenë gallatë ose flirtuese” apo “si një dhuratë seksi për dikë”.
Në përgjithësi, motivimi më i shpeshtë, i përzgjedhur nga 35.3% e pjesëmarrësve ishte “pritshmëria normale në një lidhje”.
