Javën e kaluar, Twitter dënoi Jack Sweeney dhe adresën e tij @ElonJet që ndiqte dhe publikonte vendndodhjen reale të avionit privat të Elon Musk, dhe më pas prezantoi një politikë të re në platformë që dënonte shpërndarjen e vendndodhjes në kohë reale të personave.
Tashmë Sweeney është rikthyer në platformë me një adresë të re të quajtur @ElonJetNextDay e cila publikon sërisht vendndodhjen e avionit privat të Elon Musk, vetëm se tashmë publikimi do të bëhet 24 orë me vonesë.
Kjo është mënyra më e re që Sweeney po përdor për të qenë brenda rregullave të Twitter të cilat tregojnë se është e lejuar shpërndarja e informacioneve publike pasi një kohë e konsiderueshme ka kaluar, në mënyrë që individi të mos jetë në rrezik për dëmtim fizik. Kjo adresë ka vetëm pak kohë që është krijuar, dhe mbetet për t’u parë se cili do të jetë reagimi i Elon Musk.
Flew from Oakland California to Sacramento California indirectly with a fly by of Las Vegas!?!? (Yesterday, 24 hours ago) pic.twitter.com/XmfQM1LKxM
— ElonJet but Delayed (@ElonJetNextDay) December 25, 2022
Elon duket se është shumë i bezdisur nga informacionet që Sweeney publikon. Në janar të këtij viti, Musk i ofroi Sweeney-t $5,000 për të mbyllur adresën e tij, por Sweeney e refuzoi ofertën dhe kërkoi $50,000. Brenda një periudhe të shkurtër @ElonJet arriti të siguronte më tepër se 500,000 ndjekës.
Dënimi i kësaj adrese erdhi pasi makina në të cilën gjendej djali i Elon Musk u sulmua nga një person në Los Angeles. Për këtë arsye Musk u detyrua të merrte masa konkrete.
