Elon Musk ka treguar në profiling e tij në Twitter se do të tërhiqet nga pozicioni i CEOs së Twitter pasi të ketë gjetur zëvëndësuesin e tij.
Ky vendim vjen pas rezultateve të gjeneruara nga një sondazh në Twitter nga vetë Elon Musk, ku ai pyet përdoruesit e platformës nëse duhet të japë dorëheqjen. Për fatin e tij të keq, 57.5% e përdoruesve votuan opsionin “Po”, dhe Musk kishte premtuar se do të respektonte rezultatin e sondazhit.
Megjithatë Musk tregon se do të vazhdojë të drejtojë software-in dhe ekipet e serverit dhe pasi të ketë gjetur personin “mjaftueshëm teveqel” që do ta zëvëndësojë.
I will resign as CEO as soon as I find someone foolish enough to take the job! After that, I will just run the software & servers teams.
— Elon Musk (@elonmusk) December 21, 2022
Që nga koha që Musk bleu Twitter në tetor, ka pushuar nga puna gjysëm e stafit të kompanisë dhe ka sjellë disa ndryshime kryesore në platformë, si përshembull abonimi $8 që mundëson verifikimin e përdoruesve.
Drejtimi i tij është përballur me shumë kritika për sa i përket moderimit të përmbajtjeve, pasi grupe të ndryshme e kanë akuzuar Musk se ka rritur numrin e postimeve që nxisin urrejtje dhe keqinformim.
No one wants the job who can actually keep Twitter alive. There is no successor.
— Elon Musk (@elonmusk) December 19, 2022
Përmes një tweet-i tjetër, ku i përgjigjet @WallStreetSilv, Musk tregon se “asnjë person nuk e dëshiron këtë punë që është i aftë të mbajë gjallë Twitter-in”. Disa njerëz spekulojnë se mund të jetë vetë Jack Dorsey që mund të rikthehet si CEO i Twitter.
