Nothing nuk është një kompani tërëisht e re në tregun e kufjeve wireless, pasi për një periudhë të shkurtër ka arritur të prezantojë 2 modele të ndryshme kufjesh. Tashmë pritet që një model i ri kufjesh wireless t’i bashkohen familjes në 2023.
Kjo gjë u bë e ditur përmes një tëeet-i të publikuar nga zhvilluesi Kuba Wojciechowski. Ai tregon se ka gjetur di referenca në firmware-in e Nothing që flasin për këto kufje, madje ka zbuluar dhe disa renders të tyre.
I have found some exciting details about @nothing‘s upcoming “XO” sub-brand and buds named “Particles”, in collaboration with @91mobiles. Check it out!https://t.co/NWRjz5mSzf
— Kuba Wojciechowski⚡ (@Za_Raczke) December 17, 2022
Emri i kufjeve wireless pritet të jetë “Particles by XO”, të cilat do të vijnë me një dizajn tepër të veçantë, ndryshe nga Ear 1 dhe Ear Stick. Sipas informacioneve të publikuara, bëhet e ditur se kufjet do të suportojnë LHDC codec dhe ANC (active noise cancellation).
Ditën e premte, US Patent and Trademark Office i siguroi të drejtën e emërtimit “Particles by XO” një kompanie të quajtur “The Most Unknown LLC”.
Nuk është bërë ende e ditur se përse Nothing, një kompani që deri më tani ka prezantuar vetëm 3 produkte, të aplikojë për krijimin e një kompanie të re vetëm për të prezantuar një palë kufje të reja. Me shumë mundësi kjo ka të bëjë me një skemë marketingu të mirëmenduar nga CEO Carl Pei.
