Përmes një postimi në blog-un e WhatsApp është bërë e ditur se kompania po punon për të sjellë një update të ri në iOS ku do të jetë e mundur të përdoret shërbimi picture-in-picture ndërkohë që ju jeni në një video-telefonatë. Tregohet se ky shërbim është aktualisht në testim beta dhe se mund të vijë drejt të gjitha pajisjeve iOS në fillim të vitit të ardhshëm.
Ky shërbim bën të mundur minimizimin e video-telefonatës ndërkohë që ju mund të navigoni në aplikacione të tjera. Pra, me pak fjalë, ju do të mund të shikoni njëri-tjetrin dhe gjatë kohës që navigoni në aplikacione të tjera.
Ky shërbim është i pranishëm në disa pajisje Android, që lejojnë përdorimin e picture-in-picture në disa aplikacione, ku përfshihet dhe WhatsApp, mirëpo për fat të keq platforma nuk suporton ende këtë modalitet të prezantuar në iOS 14 në iPhone. Ky shërbim mund të jetë i rëndësishëm zakonisht në bashkëpunimin për një projekt në një video-telefonatë (ose shikimin e postimeve të reja në Instagram kur mërziteni).
Disa ndryshime të tjera më vogla do të jenë shtimi i disa valëve zanore kur një person me kameran fikur po flet, së bashku me njoftimet e reja sa herë që një person përpiqet të marrë pjesë në një telefonatë.
Sipas WABetaInfo, kompania po punon dhe për të zgjeruar shërbimin View Once në mesazhet me tekst të dërguara.
