Aktualisht plani i abonimit Twitter Blue është ndaluar, mirëpo kur gjithçka të jetë sërisht gati ju do të duhet të paguani $11 në muaj nëse abonoheni nga një pajisje iOS, në bazë të një raportimi nga The Information.
Në këtë raportimi tregohet se abonimi në këtë plan do të kushtojë $7 në muaj nëse ju e kryeni blerjen nga web-i. Arsyeja se përse çmimi do të jstë më i lartë nëse e kryeni blerjen nëpërmjet Apple Store është taksa që Apple i vendos aplikacioneve. Kjo kompani merr 30% të fitimit për vitin e parë të abonimit, gjë që më pas ulet në 15% në vitin e dytë.
Did you know Apple puts a secret 30% tax on everything you buy through their App Store? https://t.co/LGkPZ4EYcz
— Elon Musk (@elonmusk) November 28, 2022
Kur Twitter lançoi planin e ri të abonimit së bashku me verifikimin në nëntor, kërkoi nga përdoruesit që të paguanin $7.99 në muaj. Nëse Twitter dëshiron të largpjë taksën e Apple duhet të kërkonte $10.38 nga përdoruesi, mirëpo vlera $11 duket e rrumbullakosur.
Pronari i ri i Twitter Elon Musk ka shprehur hapur kritikat e tij ndaj Apple pas ndalimit të publikimit të reklamave në platformë, duke thënë se “Apple e urren fjalën e lirë“. Ai shtoi gjithashtu se Tim Cook e kishte kërcënuar atë me heqjen e aplikacionit të Twitter nga App Store.
Good conversation. Among other things, we resolved the misunderstanding about Twitter potentially being removed from the App Store. Tim was clear that Apple never considered doing so.
— Elon Musk (@elonmusk) November 30, 2022
Më pas gjithçka u qetësua pasi Apple rifilloi të shfaqë reklama në Twitter dhe sqaroi Elon Musk se nuk do ta largojë Twitter nga App Store.
