LG Display ka vendosur që të reklamojë disa speakers vibrues të rinj shumë të hollë duke filluar nga viti 2023. Thin Actuator Sound Solution ka dimensionet e një pasaporte dhe mund të instalohet në pjesë të ndryshme të trupit të makinës.
Speaker-i ka përmasat 150x90x2.5 mm dhe peshon vetëm 40g. LG Display ka treguar se kjo është vetëm 10% e trashësisë së një speaker-i normal që gjendet në makinat e sotshme dhe 30% e peshës së tyre.
Ky speaker nuk përdor një kon, as magnet, as rrjetë altoparlanti. Ky speaker mbështetet vetëm në atë që kompania e quan “film-type exciter technology”, e cila vibron pjesët e ndryshme të makinës përveç ekraneve dhe materiale të tjera brenda trupit të makinës për të krijuar një zë 3D me cilësi po aq të mirë sa speaker-at tradicional.
Për herë të parë teknologjia e re nga LG do të shfaqet gjatë eventit CES që do të organizohet në Las Vegas në janar.
Të njejtën teknologji e kemi parë dhe më parë të integruar në televizorë. Sony prezantoi Acoustic Surface OLED në 2017, një televizor që ka grumbulluar shumë pëlqime, si dhe A9G, sidomos në pjesën e dialogut.
Në gusht, LG Display prezantoi një panel 97 inç OLED EX TV që përdor një panel që dridhet për të ofruar krijimin e zhurmave përmes dridhjes.
