Përdoruesit e Twitter kanë nisur të publikojnë filma të tërë (të ndara në disa video në thread) si “Hackers” apo “Need for Speed” për të treguar se politikat e të drejtave të autorit nuk po funksionojnë siç duhet në platformë.
“Twitter nëpërmjet algoritmit të tij më shtyu të piratoja një film të plotë në thread, dhe kjo është shumë qesharake.” tha një përdorues në Twitter. Zakonisht platforma i klasifikon tweet-et që shkelin të drejtat e autorit si “të fshehura” dhe i fshin ato ose ndalon arritjen drejt profileve të tjera në rast se kjo gjë raportohet.
Megjithatë Insider zbuloi postime gjatë ditës së diel që lejonin përdoruesit të shikonin filma të plotë që nuk ishin bllokuar. Një përdorues ngarkoi në platformë filmin e plotë “Hackers” të ndarë në 49 tweet-e të ndryshme, të cilat në total grumbulluan mbi 14,000 pëlqime.
Një tjetër përdorues i Twitter ngarkoi filmin “Need for Speed” të ndarë në 66 tweet-e të ndryshme nga një adresë me username “Need for speed movie”. Ky film u publikua gjatë ditës së shtunë dhe vazhdoi të qëndronte në platformë deri në ditën e diel, por me sa duket ekipi i Twitter e ka zbuluar këtë gjë.
Një ish drejtues ekzekutiv në Twitter që ka njohuri mbi sistemet e platformës, Kali Hays tergoi se platforma rrezikon të “shembet” për shkak të problemeve teknike, sidomos në këtë periudhë me staf shumë të reduktuar.
