Për herë të parë në botë është realizuar transfuzioni i qelizave të kuqe të gjakut të krijuara në laborator në formën e një testimi. Ky është hapi i parë i kryer për të parë nëse qelizat e gjakut të rritura në laborator janë të sigurta dhe bashkëpunojnë me trupin. Nëse kjo tentativë rezulton e suksesshme, zbulimi do të jetë shumë i rëndësishëm për shumë persona të ndryshëm që kanë grup gjaku të rralllë ose çrregullime me gjakun.
“Ky studim krijon bazën për prodhimin e qelizave të kuqe të gjakur të cilat mund të përdoren në transfuzione për njerëzit me çrregullime të gjakut, sidomos në aneminë drepanociatare.” tha Farrukh Shah, drejtues i National Health Service Blood and Transplant në Britani.
Arritja vjen pas një pune mbi 10 vitesh që mundohej të zbulonte mënyrën se sit ë rrisnin këto qeliza në laborator. Qelizat e përdorura në këtë testim u rritën nga qelizat burimore të marra nga dhuruesit e gjakut. Ekipi kishte nevojë për 500,000 qeliza burimore për të krijuar 50 miliardë qeliza të kuqe të gjakut, sipas BBC.
“Është me të vërtetë fantastik fakti se ne mund të rrisim kaq shumë qeliza të kuqe të gjakut dhe të testojë funksionalitetin e tyre,” tha Rebecca Cardigan.
Nëse qelizat e rritura në laborator jetojnë më gjatë në trupin e njeriut, do të thotë se njerëzit që marrin transfuzione të rregullta gjaku nuk do të kenë nevojë për ato në mënyrë kaq të shpeshtë.
