Me temperaturat globale që po rriten dita-ditës, kërkesa për ajër të kondicionuar në ndërtesa është gjithnjë e në rritje. Mirëpo ajri i ftohtë i gjeneruar nga kondicioneri nuk është shumë ekonomik, dhe do të bëjë që fatura juaj e energjisë elektrike të rritet konsiderueshëm.
Mirëpo shkencëtarët nga Kyung Hee University në Seul besojnë se ato kanë gjetur zgjidhjen e këtij problemi, në formën e veshjes transparente të dritareve. Kjo veshje që i bëhet dritareve të një shtëpie ul temperaturën brenda tyre pa shpenzuar eneregji.
Studimet e mëparshme kanë zbuluar se ftohja e ambienteve të banimit apo zyrave zë 15% të konsumit global të energjisë. Përmes xhamave normal të dritareve, rrezet UV dhe infra të kuqe kalojnë duke nxehur dhomën.
Për të parandaluar këtë fenomen, ekipi i shkencëtarëve zhvilluan një veshje transparente për këto xhama që do të bëjnë të mundur bllokimin e rrezeve UV dhe infra të kuqe të diellit. “Është e vështirë të krijosh një shtresë të tillë që pengon nxehtësinë por lejon kalimin e dritës njëkohësisht për të mos interferuar me pamjen.”
Për të krijuar këtë veshje të hollë, ekipi ka alternuar shtresa të holla dioksidi silikoni, nitrit silikoni dhe oksid alumini ose dioksid titaniumi, me një shtresë polidimetilsiloksan në pjesën e sipërme.
Studiuesit besojnë se në qytetet e thata dhe të nxehta, këto dritare do të ulin konsumin e energjisë me 31%, në krahasim me dritaret normale.
