Një ndër platformat më të përdorura në botë, TikTok, ka rishikuar politikat e saj të privatësisë për përdoruesit evropianë për ta bërë akoma më të qartë se të dhënat e tyre mund të aksesohen nga disa punonjës në të gjithë botën, duke përfshirë këtu dhe Kinën.
TikTok ruan aktualisht të dhënat e përdoruesve evropianë në SHBA dhe në Singapor. Rishikimi i politikave të privatësisë u bë nga kompania për të limituar numrin e punonjësve që kanë akses në këto të dhëna, për të limituar rrjedhjen e këtyre informacioneve.
“Metodat që ne përdorim janë njohur nga GDPR. Ne lejojmë punonjës të caktuar brenda korporatës tonë të lokalizuar në Brazil, Kanada, Kinë, Izrael, Japoni, Malajzi, Filipine, Singapor, Korenë e Jugut dhe SHBA që të aksesojnë në largësi të dhënat e përdoruesve evropianë.” tha kompania.
TikTok shtoi gjithashtu se kontrollet e saj të sigurisë përbëhen nga bllokimi në aksesin e sistemit, enkriptimi dhe siguria e rrjetit, duke thënë se nuk grumbullon informacione preçize të vendndodhjes nga përdoruesit në Evropë.
Për shkak të të gjithë këtyre informacioneve që TikTok kërkon të grumbullojë në platformën e saj, po përballet me kritika shumë të mëdha në SHBA, ku një anëtar republikan i FCC ka kërkuar dënimin e këtij aplikacioni për shkak të shqetësimeve mbi sigurinë kombëtare.
