Doktor Ugur Sahin dhe profesoresha Ozlem Tureci, çifti i cili bashkë-themeloi kompaninë BioNTech (që bashkëpunoi me Pfizer për të zhvilluar vaksinën efektive mRNA anti COVID-19) ka parashikuar se një vaksinë kundër kancerit me shumë mundësi do të jetë e disponueshme brenda dekadës së ardhshme.
“Po, ne mendojmë se një kurë për kancerin, apo ndryshimi i jetës së pacientëve me kancer është shumë e mundur të arrihet.” tha Tureci gjatë një interviste në “Sunday with Laura Kuenssberg” në BBC.
Vaksina e kancerit, e cila do të arrithet pas shumë mundimeve, mund të jetë gjerësisht e disponueshme brenda 8 vitesh tha Ugur Sahin. “Ne besojmë se kjo gjë do të ndodhë me patjetër para vitit 2030.” Shpresohet se kjo vaksinë e cila është në zhvillim e sipër do të stërvisë trupin për të njohur dhe për të sulmuar kancerin duke përdorur teknologjinë mRNA.
“Qëllimi që ne kemi është të përdorim vaksinat individuale për të siguruar se menjëherë pas kirurgjisë, pacientët të marrin një vaksinë të personalizuar e cila do të induktojë një përgjige imune dhe qelizat T në trupin e pacientit të ‘skanojnë’ trupin e pacientit për qeliza të mbetura dhe t’i eleminojnë ato.” shpjegoi Sahin.
