Shkencëtarët kanë nisur të shfrytëzojnë fuqinë e hipersensitivitetit në shqisën e nuhatjes të një gruaje për të zhvilluar një test i cili tregon nëse njerëzit vuajnë nga sëmundja e Parkinsonit.
Ky test po zhvillohej prej disa vitesh pasi shkencëtarët mësuan se gruaja me emrin Joy Milne mund të nuhasë këtë sëmundje tek persona të ndryshëm. 72 vjeçarja ka një sëmundje të rrallë e cila shkakton hipersensitivitet në shqisën e nuhatjes.
Ajo arriti ta kuptonte këtë “superfuqi” pasi burri i saj, i cili tashmë ka ndërruar jetë, Les, zhvilloi një erë të veçantë kur ai ishte 33 vjeç, 12 vite para se të diagnostikohej me sëmundjen e Parkinsonit. Ajo e përshkruajti këtë erë si një aromë myshku, shumë ndryshe nga era e trupit të tij.
Falë këtij ndryshimi të zbuluar nga Milne shkencëtarët kanë nisur zhvillimin e një pajisje të re e cila do të ndihmojë në vendosjen e diagnozës së sëmundjes vetëm nëpërmjet aromës. Shumë vite më vonë, shkencëtarët arritën rezultate të shkëlqyeshme vetëm përmes përdorimit të një cope pambuku në pjesën e pasme të qafës.
Studiuesit më pas mund të ekzaminojnë këtë copë pambuku për të identifikuar molekulat e lidhura me sëmundjen. Shkencëtarët besojnë se ndryshimi i erës së trupit ka të bëjë me ndryshimin kimik në yndyrën e trupit, të njohur si sebum, që ndodh për shkak të sëmundjes.
