Një burri 27 vjeçar të paidentifikuar iu desh të ndalonte së kryeri mardhënie seksuale pasi zbuloi nga doktorët se ishte alergjik ndaj orgazmave të tij. Sa herë që ky person kishte një orgazëm, ai do të vuante nga disa simptoma të ngjashme me gripin.
Dhe pse kjo mund të jetë hera e parë që ju dëgjoni rreth kësaj alergjie, ky burrë nuk është i vetëm. Deri më tani ekspertët kanë zbuluar pothuajse 60 raste burrash të cilët janë diagnostikuar me sindromën e sëmundjes post-orgazmike. Shkencëtarët mendojnë se kjo është një përgjigje alergjike apo autoimune ndaj spermës së tyre.
Këta persona mund të kenë temperaturë, kollë, dobësi muskulare si dhe probleme me të folurin, përqëndrimin dhe memorien. Këto problematika mund të vazhdojnë për 2 deri në 7 ditë pas ejakulimit, shpjegojnë doktorët.
“Me shumë mundësi kjo sëmundje është e pa diagnostikuar, pasi jo shumë persona në fushën e mjekësisë dinë rreth këtij fenomeni. Mund të ketë akoma dhe më shumë persona të padiagnostikuar që po vuajnë çdo ditë.” tha profesori Shanholtzer.
Ai tregoi se ky problem mund të nisë pas një infeksioni apo dëmtimi të testikujve, të cilat bëjnë që sasi mikroskopike të spermës të derdhen në gjak, dhe trupi i kundërpërgjigjet këtij problemi. Deri më tani, trajtimi me antihistamina, veçanërisht me fexofenadine ka ulur simptomat në 90% të rasteve.
