Pandemia e koronavirusit ka nxitur krijimin e shumë laboratorëve që merren me viruset e rrezikshme në të gjithë botën, pavarësisht diskutimeve se vetë COVID-19 mund të ketë dalë nga një laborator i tillë.
Më tepër se 40 laboratore të tillë të çertifikuar me nivelin BSL-3 (biosafety level) apo BSL-4 janë ndërtuar ose janë aprovuar për t’u ndërtuar që nga viti 2020, kryesisht në kontinentin e Azisë. Shumë shtete besojnë se ato u kapën në befasi nga koronavirusi dhe dëshriojnë të vazhdojnë stuimin e patogjenëve që shfaqin një rrezik për njerëzimin.
Mirëpo në fakt ka shqetësime shumë të gjëra se këto eksperimente mund të shkaktojnë nisjen e një pandemie të re, pasi një gjë e tillë besohet se ndodhi dhe në rastin e koronavirusit. Virusi nisi të shpërndahej për herë të parë në një market në Wuhan, vetëm 12.8 km larg Wuhan Institute of Virology, një laborator i sigurisë së lartë që punonte me koronaviruset e rrezikshme të lakuriqve të natës.
Rusia është një ndër vendet me numrin më të madh të këtyre laboratorëve, pasi ka aprovuar propozimet për ndërtimin e 15 laboratorëve të rinj, ndërkohë që në vendin e parë gjendet India me 18 të tillë. SHBA ka aprovouar ndërtimin e 12 laboratorëve të sigurisë së lartë.
