Ylli i TikTok, Khaby Lame, fiton një shumë marramendëse parash për secilin prej postimeve të tij në TikTok, sipas një raporti të ri nga media financiare Fortune.
Lame është i njohur për videot e tij qesharake pa shprehi fytyre duke reaguar ndaj ‘life hacks’ të TikTokers, ai iu drejtua platformës pasi humbi punën si punonjës në fabrikë gjatë pandemisë dhe u bë viral.
Në një intervistë të fundit, Lame foli shkurtimisht për gjithçka, nga ajo që e motivon deri tek ëndrrat e tij për të ardhmen ndërsa menaxheri i tij Alessandro Riggio i tha Fortune se klienti i tij superstar është në rrugën e duhur për të fituar 10 milionë dollarë (8.67 milionë £) këtë vit.
Gazeta raportoi gjithashtu se ish-punëtori tani po kërkon deri në 750,000 dollarë (650,000 £) për postim në TikTok, duke thënë se kjo është shuma e listuar në një kontratë që stafi i saj kishte shqyrtuar. Për sa i përket vendit ku ai shpreson që karriera e tij jashtëzakonisht e suksesshme të shkojë më pas, ai i ka ngulitur sytë fort te Tinseltown. “Ëndrra ime është që një ditë të fitojmë një Oscar”, tha Lame i cili më parë ka shprehur interes për t’u bërë aktor .
