Mundësia që njerëzit një ditë të jetojnë në Mars po rritet dita-ditës pasi pajisja Moxie e NASA ka arritur të krijojë oksigjen në atmosferën e Planetit të Kuq.
Moxie, një pajisje me madhësinë e një kutie ushqimi, e njohur ndryshe dhe si Mars Oxygen In Situ Resource Utilisation Experiment, ka arritur të krijojë elementin e domosdoshëm për mbijetesën e njerëzve për herë të parë.
Drejtuesi kryesor i këtij eksperimenti, Michael Hecht, tha përmes një deklarate për shtyp se ky projekt do të përgatisë sistemet e së ardhmes në një shkallë shumë herë më të madhe për të krijuar një tjetër planet të banueshëm si Toka.
“Ky është demonstrimi i parë i përdorimit të resurseve nga sipërfaqja e një planeti tjetër dhe transformimi i tyre në një substancë që është shumë e nevojshme për zhvillimin e një misioni me humanë. Është një hap historik.” tha profesor Jeffrey Hoffman.
Megjithatë Michael Hecht tregoi se problemi me këtë eksperiment qëndron në pamundësinë e krijimit të oksigjenit gjatë agimit dhe muzgut për shkak të ndryshimit drastik të temperaturave. “Ne e kemi dhe një as nën mëngë për këtë problem, dhe sapo ta testojmë në laborator, do të arrijmë një moment historik.”shtoi ai.
