Motorola do të prezantojë më në fund versionin më të ri të smartphone-it të palosshëm Razr, mirëpo ky smartphone do të dalë në shitje vetëm në Kinë. Razr 2022 vjen me një ekran më të madh të brendshëm, një kamera ekstra dhe me proçesorin më të fundit nga Snapdragon.
Në smartphone gjendet gjithashtu një Flex View mode që ju lejon të hapni ekranin jo plotësisht dhe ta përdorni atë pa duar, njësoj si Z Flip 4.
Razr 2022 përfshin një kamera kryesore 50MP me stabilizim optik, e cila shoqërohet nga një kamera ultrawide 13MP. Ekrani kryesor ka madhësi 6,7 inç, përdor teknologjinë OLED dhe vjen me 144Hz refresh rate. Për sa i përket ekranit të jashtëm, madhësia e tij është 2.7 inç, duke ja kaluar kështu ekranit të jashtëm të Galaxy Z Flip.
Është me të vërtetë për të ardhur keq që ky smartphone do të publikohet vetëm në Kinë pasi duket se është përmirësuar shumë në krahasim me Razr 2020, duke përfshirë këtu dhe çmimin e pajisjes. Razr 2022 fillon me një çmim prej $900, $100 më pak se Samsung Galaxy Z Flip 4 dhe $400 më i lirë se Razr 2020.
