Mbështetësit e Manchester City do të nisin të përdorin një shall inteligjent futbolli përgjatë sezonit 2022/2023. Shalli “Connected Scarf, i krijuar në bashkëpunim me kompaninë e teknologjisë Cisco, ka një sensor biometrik EmotiBit bio të integruar në materialin përbërës.
Ky sensor do të regjistrojë një gamë të gjërë përgjigjesh emocionale dhe psikologjike, duke përfshirë këtu rrahjet e zemrës, temperaturën e trupit dhe qarkullimin e gjakut në lëkurë. Të dhënat e siguruara nga shalli do t’i japin klubit një kuptim më të mirë të asaj që fansat ndjejnë gjatë momenteve të ndryshme në ndeshje si dhe ndryshimeve emocionale.
Matchday can be a ? of emotions for #ManCity fans!
The @Cisco Connected Scarf plans on capturing them all to bring fans closer to the game than ever before ?
Find out more ?
— Manchester City (@ManCity) July 27, 2022
Dihet se gjatë momenteve kyç të ndeshjes fansat mund të përjetojnë një rritje të rrahjeve të zemrës dhe të temperaturës së trupit, sidomos gjatë humbjeve të penalltive apo një goli fitues në minutat e fundit.
Mbrojtësi i Man City, Aymeric Laporte tha: “ Kjo është një ide brilante dhe na mundëson një lidhje akoma më speciale dhe të afërt me fansat.“
Man City ka testuar në mënyrë të suksesshme në 6 fansa të vjetër të ekipit, duke regjistruar më tepër se 120 “momente interesante” përgjatë 90 minutave të ndeshjes. Shalli nuk do të jetë i disponueshëm për të gjithë fansat, por vetëm për një numër të përzgjedhur të tyre. Është ende e paqartë se si do të bëhet dorëzimi i këtyre shalleve dhe se sa ato do të kushtojnë.
