Nëse ju jeni në një mbledhje me familjen apo me miqtë gjatë kësaj vere dhe dëshironi të njoftoheni kur të gjithë arrijnë në shtëpi pa asnjë problem, Google Maps ka krijuar një shërbim për ty.
Ky shërbim, i cili funksionon me shpërndarjen e vendndodhjes ju lajmëron mbi vendndodhjen e personave të cilët e kanë shpërndarë atë me ju. Google Maps tashmë e largon disi atë ndjenjën jo të këndshme të pritjes deri sa një i afërm i juaji t’ju njoftojë se ka arritur në shtëpi pa asnjë problem.
Për të aktivizuar këtë shërbim ju duhet të klikoni në ikonën e profilit në Google Maps dhe më pas në Location Sharing. Nga këtu zgjidhni personat që dëshironi të shtoni në listë (ato duhet të kenë aktivizuar shpërndarjen e vendndodhjes me ju). Më pas klikoni në Add për të shtuar një adresë si destinacionin e të afërmit tuaj, në mënyrë që të njoftoheni kur ai të arrijë në këtë destinacion dhe klikoni në Save.
I afërmi juaj do të njoftohet disa herë në lidhje me kërkesën tuaj për të ndjekur vendndodhjen e tij.
A mundet që ju ta fikni këtë shërbim kur nuk dëshironi ta përdorni më?
Po sigurisht. Nëse ju merrni një njoftim se dikush dëshiron të njoftohet për vendndodhjen tuaj, ju mund të zgjidhni ta fikni këtë opsion. Klikoni në njoftim > fikni “Allow recipients to add notifications”.
Kur mund të nis të përdor këtë shërbim?
Për momentin update i ri i Google Maps po publikohet për të gjithë përdoruesit në Android dhe iOS. Instaloni versionin më të ri të aplikacionit, megjithatë mund të duhen disa javë deri sa të shikoni këtë shërbim të ri.
