Gjatë javëve të fundit, TikTok ka nisur të testojë një koleksion të vogël mini-lojrash brenda në aplikacioni. Sipas raportimit nga TechCrunch, aktualisht janë të disponueshme 9 lojra si pjesë e kësaj iniciative, e cila mund të shtohet në një video para se të publikohet duke përdorur opsionin “Add Link” dhe duke zgjedhur “MiniGame”.
Shikuesit mund ta luajnë këtë lojë duke klikuar mbi linkun që shfaqet nën emrin e përdoruesit ndërkohë që video po luhet. Një zëdhënës i TikTok konfirmoi praninë e këtij projekti pilot përmes një deklarate. “Ne po kërkojmë gjithmonë për mënyra si të pasurojmë akoma më tepër platformën tonë dhe të testojmë rregullisht shërbimet e reja dhe integrimet që sjellin vlera në komunitetin tonë. Momentalisht, ne po eksplorojmë sjelljen e disa lojrave HTML5 në TikTok përmes zhvilluesve të palës së 3-të.”
Lojrat kanë nisur të testohen në SHBA dhe në Mbretërinë e Bashkuar. Këto 9 lojra janë zhvilluar nga studio Vodoo, Nitro Games, FRVR, Aim Lab dhe Lotum.
Tiktok është rrjeti më i ri social që po eksploron sjelljen e lojrave si një mënyrë për të rritur kohën e shpenzuar në aplikacion. Më herët gjatë historisë së saj, Facebook kërkoi nga zhvilluesit të krijoni lojra dhe shërbime të tjera në platformë, të cilën Zynga e përdori për të krijuar një ndër lojrat më të njohura si FarmVille.
Nga ana tjetër Snapchat dhe Netflix po përpiqen gjithashtu të sjellin lojra në platformën e tyre.
