Drejtuesi i Instagram, Adam Mosseri, dëshiron të tregojë se kompania do të vazhdojë të mbështesë akoma më shumë formatin e videove në platformë. Përmes një videoje të shkurtër të publikuar mëngjesin e ditës së djeshme, që duket sikur i është drejtuar ankesave të përdorueses të 2 më të ndjekur në Instagram (Kylie Jenner), Mosseri tregoi se aplikacioni do të vazhdojë të zhvillohet më tepër në këtë drejtim.
“Më duhet të jem i sinqertë. Unë besoj se Instagram me kalimin e kohës do të jetë gjithnjë e më tepër me video.” tha Mosseri. Aplikacioni do të vazhdojë me suportin e fotografive, mirëpo drejtuesi i Instagram tha se mbështetja e gjërë për formatin e videove mbështetet në sjellet e përdoruesve. Shpërndarja dhe shikueshmëria e videove po rritet me kalimin e kohës, dhe atyre do t’i duhet të vazhdojnë në këtë drejtim.
?? There’s a lot happening on Instagram right now.
I wanted to address a few things we’re working on to make Instagram a better experience.
Please let me know what you think ?? pic.twitter.com/x1If5qrCyS
— Adam Mosseri (@mosseri) July 26, 2022
Komentet e Mosseri vijnë vetëm një ditë pasi motrat Kim Kardashian dhe Kylie shpërndanë një mesazh në Instagram ku tregohej “Bëjeni Instagram-in Instagram sërisht.” Gjithashtu një peticion online me këtë thirrje ka grumbulluar më tepër se 100,000 firma.
Instagram është shndërruar shpejt gjatë muajve të fundit duke mbështetur formatin e videove në platformë, duke u munduar të rivalizojë TikTok në fushën e saj.
