Nëse ju keni $300,000 tepër dhe nuk e keni problem të prisni disa vite për një makinë luksoze elektrike, atëherë Cadillac Celestiq EV është makina e duhur për ju.
Gjatë kësaj jave prodhuesi i makinave prezantoi për herë të parë pamjen e plotë të kësaj makine lukssoze. Dhe pse shumica e specifikave janë ende të papublikuara, kompania ka zbuluar disa detaje tepër interesante të makinës të ndërtuar me dorë.
Celestiq EV do të ketë të përfshirë materiale të punuara me dorë, all-wheel drive (AWD), drejtim të 4 rrotave dhe sistemin asistues të gjeneratës së ardhshme të drejtimit nga GM, Ultra Cruise. Makina do të fuqizohet gjithashtu nga teknologjia Ultium nga General Motors.
Interiori do të ofrojë një eksperiencë të personalizuar për drejtuesit dhe pasagjerët. E veçanta e kësaj makine qëndron në faktin se secili prej pasagjerëve do të jetë në gjendje të rregullojë nivelin e transparencës së tavanit në hapësirën e tij personale.
Brenda kabinës gjenden gjithashtu disa ekrane të ndryshme, ku më kryesori është ai me madhësi 55” që vazhdon i pandërprerë në të gjithë dashboard-in. Gjithashtu do të ketë dhe dy ekrane të tjera me konsola me touchscreen për pasagjerët në sediljet e pasme.
Cadillac Celestiq EV pritet të nisë prodhimin në vitn 2024-2025 dhe do të kushtojë $300,000.
