Pas shumë raportimesh të ndryshme, Rockstar lajmëroi ditën e sotme se update Criminal Enterprises për Grand Theft Auto Online do të lançohet në datën 26 korrik. Ky update do të ofrohet falas dhe me shumë mundësi do të jetë update më i rëndësishëm që kjo lojë ka patur, me shumë ndryshime, përmirësime dhe shtime biznesi.
Për të gjithë gamers që banojnë në botën virtuale të GTA Online ka lajme të këqija, pasi rritja e çmimeve të gazit dhe nxehtësia do t’ia bëjnë jetën më të vështirë. Mirëpo nga ana tjetër, kjo situatë krijon një mundësi të mirë për të gjithë shkelësit e ligjit, që janë gati të përfitojnë.
Si pjesë e këtij update-i, Rockstar do të shtojë disa misione të reja ku lojtarët do të bashkëpunojnë me IAA (versioni i GTA për CIA) ku një agjent do t’i ndihmojë të “shkatërrojnë dinastinë famkeqe të pasur nga nafta” në Los Angeles, që po përfiton nga nxehtësia dhe rritja e çmimeve.
Gjithashtu Rockstar shpjegoi përmes një postimi në blog se çdo biznes brenda GTA Online do të zgjerohet, duke i dhënë më tepër mundësi njerëzve të fitojnë para. Për shembull, baret e motorristëve do të mbushen plot me klientë.
Për lojtarët që jetojnë me këtë lojë prej vitesh, ndryshimet kryesore do të jenë përmirësimet e cilësisë së jetës. Rockstar premton se do të ketë mënyra më të shpejta për të siguruar një ushqim, që do ta bëjë shërimin pas një përplasje me armë më të lehtë.
Update-i do të vijë në datën 26 korrik dhe do të ofrohet falas.
