Dy planet e reja të abonimit nga Playstation, PS Plus Extra dhe Premium, do t’i ofrojnë përdoruesve 7 ditë për të testuar secilin plan falas para se të paguajnë për të.
Është e rëndësishme të theksohet se këto 7 ditë falas nuk ofrohen në mënyrë të veçantë – ju duhet të zgjidhni abonimin në planet Extra/Premium për një afat 1/3/12 mujor, dhe do të përfitoni 7 ditë falas testimi në fillim të abonimit.
PlayStation tregon se free trials nuk do të shfaqen nëse ju jeni aktualisht i abonuar në planin PlayStation Plus. Nëse ju mund të përfitoni nga kjo ofertë, ju do ta shikoni çmimin tërheqës $0.00 para çdo plani, dhe më poshtë do të shikoni çmimin aktual pas përfundimit të free trial.
Në termat dhe kushtet e Sony tregohet qartë se nëse ju anuloni abonimin tuaj para se periudha e testimit falas të mbarojë, atëherë do të shmangni pagesën. Është ende e paqartë nëse ju mund të anuloni free trial-in tuaj, të prisni që ajo të përfundojë, dhe të regjistroheni për një tjetër free trial.
Gjithsesi, nëse ju nuk jeni abonuar në këtë plan mund të provoni diçka ndryshe gjatë një jave testimi falas, por mos harroni të vendosni një reminder nëse nuk dëshironi të paguani për këtë shërbim!
