Pas 15 vitesh nga krijimi i iPhone, sfondi ikonik me peshqit klloun nga momenti i prezantimit në vitin 2007 do të vijë më në fund tek të gjithë përdoruesit që po testojnë versionin beta të iOS 16. Jack Roberts shpërndau në Twitter praninë e opsionit Clownfish nën seksionin Collections në iOS 16 Beta 3.
Fotoja magjike e dy peshqve klloun ka qenë imazhi i parë i prezantuar nga Steve Jobs gjatë publikimit të iPhone-it origjinal dhe ekranit revolucionar për kohën, 3.5 inç. Megjithatë për fat të keq Apple nuk e përfshiu këtë sfond së bashku me smartphone-in pas lançimit. Versioni i plotë i imazhit u publikua më vonë në Mac.
Some users appear to be seeing a new Clownfish wallpaper in iOS 16 beta 3. This is the wallpaper Steve Jobs used when the original iPhone was announced in 2007 — but it never actually ever shipped with any iPhone. Here we are 15 years later. https://t.co/OLTvb1KVJG
— Mark Gurman (@markgurman) July 6, 2022
Ende nuk dihet nëse peshqit kllounë do të vazhdojnë të mbeten deri në prezantimin publik të versionit iOS 16, madje dhe personat me akses në versionin për zhvillues nuk e kanë të garantuar aksesin në këtë opsion, pasi me sa duket ka nisur publikimi i opsionit me faza. Është me të vërtetë diçka e bukur nëse ky opsion do të vijë për të gjithë përdoruesit, sidomos tashmë që fotografia ka një rezolucion akoma më të madh se fotoja origjinale.
Fakti më interesant është se nëse aktivizoni këtë opsion, do të gjeni një animim mjaft origjinal pas rrëshqitjes për hapjen e lockscreen.
