Përmes një deklarate FIFA ka lajmëruar se gjatë Kupës së Botës që do të zhvillohet në Katar do të përdoret një teknologji e re gjysmë e automatizuar për pozicionet jashtë loje.
FIFA parashikon se kjo teknologji do të ndihmojë në uljen e kohës për marrjen e një vendimi për pozicionet jashtë loje nga 70 sekonda që është aktualisht në 20-25 sekonda. Ky sistem mbështetet në 12 kamera të instaluara nën tavanit të çdo stadium, të cilat lexojnë lëvizjet e futbollistëve dhe pozicionin e topit 50 herë në sekondë.
Sigurisht, FIFA ka si qëllim t’ia vizualizojë këtë teknologji të gjithë fansave në stadium dhe në shtëpi këtë teknologji përmes një ilustrimi 3D pas marrjes së vendimit. Pierluigi Collina, drejtuesi i komitetit të arbitrave, shpreson se sistemi i ri do të jetë po aq i vlerësuar dhe i pranuar nga fansat sa goal-line technology, me një marzh gabimi të ngjashëm.
Ai tregoi se goal-line technology kishte marzh gabimi deri në 3 cm kur u prezantua, ndërkohë që tani është i saktë deri në disa mm. Ai gjithashtu tregoi se si VAR është dhe do të mbetet tepër i rëndësishëm në marrjen e vendimeve, dhe se si ky sistem mund të përmirësojë kohën e marrjes së vendimeve.
“Zyrtarët e ndeshjeve do të jenë sërisht të përfshirë në marrjen e vendimeve, ndërkohë që teknologjia jep një zgjidhje vetëm në momentin kur lojtari është në pozicion jashtë loje.” tha Colina.
