Pasardhësi i serisë vivo X70, vivo X80, vjen në treg me një pamje mjaft unike dhe një eksperiencë mjaft të mirë të kamerave. Pak ditë më parë Geek Room ishte i pranishëm në prezantimin zyrtar në Evropë dhe sot ju sjell një përshkrim të detajuar të asaj çfarë vivo dhe Zeiss sjellin në modelin e ri.
Dizajni i vivo X80
Sapo ju nxirrni për herë të parë smartphone-in nga kutia, ju do të vini re një ishull gjigand kamerash që zë pothuajse 1/3 e xhamit të pasëm, megjithatë kjo madhësi justifikohet me cilësinë e fotografive që ju merrni. X80 do të vijë në ngjyrë të Zezë Kozmike.
Në pjesën e parme smartphone-i ka një ekran 6.78 inç AMOLED me rezolucion Full HD+ dhe refresh rate 120Hz. Në pjesën e sipërme gjendet gjithashtu kamera hole punch, ndërkohë që në pjesën e poshtme ndodhet skanuesi me ultratinguj i shenjës së gishtti nën ekran.
Tashmë është tepër e rrallë të shikosh aksesorë brenda kutisë së smartphone-ve, mirëpo X80 vjen me një kasë mbrojtëse, kufje USB-C, koka silikoni për kufjet dhe një kabëll karikues USB-C.
Ekrani i vivo X80
vivo X80 vjen me një ekran 6.78 inç AMOLED Full HD+ dhe refresh rate 120Hz. Megjithatë duhet të tregojmë se ekrani 120Hz nuk përdor teknologjinë LTPO 2.0.
Ekrani shfaq ngjyra sshumë të dukshme në të gjitha këndet e shikimit, duke e bërë ndjekjen e serialeve shumë interesante, dhe në ambientet e jashtme me ndriçim dielli falë ndriçimit maksimal 1,500 nits.
Performanca e vivo X80
Ky smartphone fuqizohet nga proçesori Snapdragon 8 Gen 1, i cili shoqërohet dhe nga çipi i vivo i quajtur V1+. X80 vjen me 12 GB RAM LPDDR5 dhe internal storage 256GB UFS 3.1. I instaluar është versioni më i ri i FunTouch OS i bazuar në Android 12, i cili ka bërë shumë përmirësime gjatë viteve të fundit. Është e garantuar nga vivo se kjo pajisje do të update-ohet deri në Android 15.
Për sa i përket performancës, ky smartphone mund të bëjë gjithçka që ju keni nevojë.
Kamerat e vivo X80
Bashkëpunimi midis ZEISS dhe serisë vivo X ka rezultuar një sukses i vërtetë. Në pjesën e pasme të pajisjes është i përfshirë sensori 50MP nga Sony IMX866, me OIS, i shoqëruar nga kamerat ultrawide 12MP dhe telephoto 2x 12MP. Kamera selfie ka një rezolucion prej 32MP.
Kualiteti i fotografive është mjaft i mirë, tepër i detajuar dhe me ngjyra të shprehura mjaft mirë. Dhe fotot nga afër apo ato portret duken fantastike.
Kur jeni në ambiente me pak ndriçim, Night Mode ju ndihmon të shkrepni fotografinë që dëshironi, me qartësi të lartë. Për sa i përket videove, X80 ofron disa shërbime të ndryshme si Movie LUTs, Cinematic Video, Horizontal Line Stabilization, Pro Mode dhe shumë më tepër. Ju mund të regjistroni video 4K në 30/60 fps.
Bateria e vivo X80
Ky smartphone vjen me një bateri të madhe prej 4,500mAh, e cila mund të zgjasë deri në 14-18 orë në përdorim të lehtë si kërkimi në internet, ndjekja e filmave dhe kryerja e telefonatave. Për fat të mirë ju nuk keni të shqetësoheni kur keni pak bateri, pasi mundësohet karikimi i shpejtë 80W që karikon pajisjen tuaj nga 10% në 100% në vetëm 30-35 minuta.
Pra, me pak fjalë të gjitha këto karakteristika të përfshira në një smartphone me një çmim jo flagship e bëjnë këtë pajisje një kandidat kryesor për shumicën e përdoruesve.
