Me sa duket Elon Musk është frymëzuar nga mbajtësit e karameleve PEZ dispenser, dhe dëshiron të përdorë një lëvizje të tillë për të lëshuar satelitët Starlink nga raketa e madhe Starship.
Themeluesi dhe CEO i SpaceX ka publikuar një animim të ri që tregon se si raketa $216 milionë super e rëndë do të lëshojë satelitët në hapësirë, në mënyrë të ngjashme me një PEZ dispenser.
Sigurisht, përveç versionin gjigand të kësaj rakete, Elon Musk ka në plan të krijojë dhe një version miniaturë të raketës në rolin e një PEZ dispenser për karamelet tuaja.
Starship është një raketë e ripërdorshme nga SpaceX, e cila është dizenjuar për të mbajtur ekuipazhin dhe ngarkesa drejt Hënës apo Marsit në të ardhmen. “Starship do të jetë pajisja më e fuqishme në botë që është zhvilluar ndonjëherë, me aftësinë për të mbajtur rreth 1,000,000 kg ngarkesë deri në orbitën e Tokës.” tha SpaceX.
Maybe we should make an actual Starship model that dispenses pez for our merch store
— Elon Musk (@elonmusk) June 5, 2022
Tashmë animimi i ri i prezantuar gjatë All-Hands Meeting në 5 qershor, para se të shpërndahej nga Elon Musk në Twitter, sugjeron se kjo është mënyra e përzgjedhur e SpaceX për transportimin e satelitëve Starlink. Aktualisht gjenden rreth 2,000 satelitë Starlink të vendosur në orbitën e ulët të Tokës që mundësojnë internet në vende të ndryshme të planetit. SpaceX ka marrë autorizimin për të lançuar deri në 12,000 satelitë të tillë.
