Nuk është një sekret fakti se Infinity Ward po punon prej kohësh për të sjellë një pasues të Call of Duty: Modern Warfare të 2019, dhe me sa duket kompania është shumë pranë prezantimit final të tij. Ai do të quhet Modern Warfare II, dhe do të ofrojë luajtjen në modalitetin single-player që vazhdon me historinë e paraardhësit, së bashku me një modalitet multiplayer tactical co-op.
Duke parë gjendjen aktuale në botë, me një luftë të vazhdueshme midis Ukrainës dhe Rusisë, dhe rritjes së fokusit mbi armët në SHBA, Modern Warfare II po lançohet në një kohë jo shumë të favorshme.
Në një deklaratë për shtyp para lajmërimit, drejtuesi i Infinity Ward, Patrick Kelly shpjegoi: “Ne po tregojmë histori të trilluara. Por jemi të inspiruar nga ngjarjet e vërteta ushtatake që kanë ndodhur në botën ku ne jetojmë. Është një situatë emocionale për mua pasi me ngjarjet që po ndodhin në botë, lufta në Ukrainë, është e rëndësishme për mua që ne të jemi të ndjeshëm në këtë lojë.”
Në modalitetin multiplayer do të përfshihen të dyja hartat e mëdha për shumë lojtarë në të njejtën kohë. Si pjesë e Modern Warfare II, Activision përsëriti se Call of Duty: Warzone do të vijë së shpejti për mobile.
Pritet që Modern Warfare II të lançohet në datën 28 tetor në platformat PS4, PS5, Xbox One, Xbox Series X/S, PC dhe Steam.
