Xiaomi ka prezantuar disa nga smartphone-t e serisë Xiaomi 12, megjithatë pajisjet më të shtrenjta të kësaj serie nuk janë publikuar ende. Tashmë, falë disa publikimeve të leaker-it të besueshëm Steve Hemmerstoffer, ne kemi krijuar një ide më të qartë të Xiaomi 12 Ultra.
Siç pritej, Xiaomi 12 Ultra do të vijë me një sistem gjigand kamerash, që do të zëjë 1/3 e hapësirës së pasme të smartphone-it. Nga fotografitë ne mund të vëmë re 7 prerje të ndryshme, 4 prej të cilave janë lente kamerash dhe 3 të tjera janë sensorë. Lentja që gjendet në pjesën e poshtme duket të jetë një lente periscope për zmadhimin optik.
Ne besojmë se hardware i Xiaomi 12 Ultra do të përbëhet nga produktet më të mira në industri. Disa raportime tregojnë se ky smartphone mund të përdorë të njejtat lente si paraardhësi, megjithatë përdorimi i proçesorit Snapdragon 8 Gen 1 do të mundësojë përmirësime të shumta pa patur nevojën për hardware të ri.
Renderat e publikuara nga Hemmerstoffer tregojnë se 12 Ultra do të vijë në përmasat 161.9 x 74.3 x 9.5mm dhe do të peshojë 234g. Ende nuk janë bërë të ditura specifikat kryesore të këtij smartphone-i, por mjafton të ndiqni Geek Room në rrjetet sociale për të mësuar të rejat më të fundit.
Lançimi i Xiaomi 12 Ultra pritet të bëhet në korrik të këtij viti.
