Me shumë mundësi smartphone-i i shumëpërfolur i Motorola me kamera 200MP do të prezantohet në korrik, sipas një posteri të publikuar në rrjetet sociale gjatë ditëve të fundit.
Ky postim në Weibo nga Lenovo China (kompania mëmë e Motorola) premton fillimin e “një etape të re në eksperiencën e imazheve” dhe tregon se një pajisje do të vijë në korrik me sensorin 200MP. Ky sensor pritet të jetë Samsung ISOCELL HP1, sensori i parë i kësaj madhësie i dizenjuar për pajisjet mobile.
Përmes një deklarate për shtyp, kompania tregoi: “Bazuar në sensorin më të avancuar të Samsung, ISOCELL HP1, fotografitë ruajnë një sasi befasuese të detajeve të cilat bëjnë që imazhet të jenë plot kualitet dhe kur madhësia e tyre të zvogëlohet.”
Gjatë kohëve të fundit ne kemi parë që kompanitë po fokusohen së tepërmi në madhësinë e sensorit të kamerave, mirëpo kjo gjë jo domosdoshmërisht tregon për një kualtiet superior të fotografive të shkrepura.
Gjithashtu në poster (në cepin e djathtë, poshtë) mund të shohim dhe një pajisje të palosshme me proçesor Snapdragon 8 Gen 1, që me shumë mundësi do të jetë Moto Razr 3, një smartphone disi më ndryshe nga gjeneratat e mëparshme që do të mundohet të rivalizojë Galaxy Z Flip 3.
