Sa herë që ne kemi udhëtuar në një qytet të ri ose kemi kërkuar për vendndodhjen e dyqaneve që ne duam të vizitojmë, Google Maps ka qenë alternativa e parë e përzgjedhur.
Ky aplikacion ofron informacione shumë të rëndësishme rreth rrugëve që duhet të ndjekim për të arritur në destinacion, së bashku me reviews të restoranteve apo dyqaneve të ndryshme.
Tashmë Google Maps ka prezantuar një shërbim të ri të quajtur “Immersive View”, i cili do ta çojë eksperiencën e eksplorimit të një vendi të ri në një tjetër nivel. Ky shërbim do t’i ofrojë përdoruesve mundësinë për të eksploruar një lagjje, pikë turistike apo një restorant duke mësuar çdo kënd të këtij vendi, pa shkelur asnjëherë pranë tyre.
Përdoruesit do të shikojnë disa imazhe të gjeneruara në kompjuter të një zone të caktuar për të parë nëse kjo zonë i pëlqen. Zona do të shoqërohet gjithashtu me informacione si popullsia dhe trafiku për të parashikuar kohën më të përshtatshme për ta vizituar.
Ky shërbim do të funksionojë në të gjitha pajisjet, dhe si fillim ju mund të vizitoni qytetet e mëdha si Los Angeles, Londrën. New York, San Francisco dhe Tokion. Kompania arriti të krijojë këtë shërbim duke bashkuar imazhet e marra nga sateliti dhe Street View për të ndihmuar krijuesit të kuptojnë gjatësinë e ndërtesave, por jo vetëm.
Article by: Xhonald Mamo
