Bashkimi Evropian ka zbuluar se Apple mund të ketë thyer ligjet e konkurimit duke parandaluar që rivalët e saj të aksesojnë teknologjinë “tap and go”.
“Ne kemi disa të dhëna që tregojnë se Apple ka penguar palët e treta të kenë akses mbi teknologjinë e nevojshme për të zhvilluar portofole të ndryshme online në pajisjet Apple.” tha zëvëndës presidentja e Bashkimit Evopian, Margarethe Vestager në një deklaratë. “Ne besojmë se Apple mund të ketë penguar konkurencën për të favorizuar shërbimin e saj, Apple Pay.”
Apple i mohon këto akuza dhe tregon se është e gatshme të bashkëpunojë me BE. Nëse këto akuza mbështeten, kompania amerikane mund të gjobitet me 10% të xhiros globale prej $36.5 miliardë, bazuar nga të ardhurat e gjeneruara gjatë vitit të kaluar.
Sipas Komisionit Evropian, kjo sjellje nga Apple ka një efekt përjashtues mbi konkuruesit e saj dhe çon në më pak inovacion dhe zgjedhje për konsumatorët në portofolët online në iPhone.
Gjigandi i teknologjisë u përgjigj duke thënë se sistemi i pagesës i ofruar nga Apple ishte një ndër shumë opsionet e aksesueshme nga konsumatorët evropianë dhe se ka siguruar akses të barabartë në teknologjinë e pagesave përmes smartphone-ve, “duke vendosur standardin në industri”.
