WhatsApp ka mbështetur regjistrimin e një adrese në disa pajisje të ndryshme prej disa kohësh, por lista e pajisjeve ishte disi e limituar. Aktualisht ju mund të përdorni platformën nga laptopi apo kompjuteri juaj pa patur nevojën për të qenë i lidhur në internet në smartphone. Mirëpo pajisjet si tabletët apo smartphone-t dytësorë që ju mund të përdorni kishin mbetur jashtë këtij plani, të paktën deri më tani, pasi pritet që kjo gjë të ndryshojë.
WABetaInfo zbuloi në kodin e versionit më të fundit beta të WhatsApp një opsion i cili duket se do t’ju lejojë të regjistroni një pajise Android si një opsion dytësor për smartphone-in tuaj kryesor. Siç shikohet në screenshot, seksioni i ri në WhatsApp quhet “Register Device as Companion”, me një përshkrim që shpjegon se si shërbimi do të lejojë përdorimin e adresës në pajisje të ndyshme.
Për herë të parë ekzistenca e një shërbimi të tillë u vu re gjatë vitit të kaluar, ku u pa se WhatsApp po punonte për “multi-device 2.0”.
Më parë ishte disi e paqartë nëse shërbimi do të ishte i limituar për pajisjet klasike sekondare si tabletët dhe Chromebooks, por detajet e raportimeve të reja tregojnë për shtimin e suportit dhe në pajisjet mobile.
