Një raportim i ri po qarkullon në internet ku tregohet se Sony po planifikon t’i kërkojë zhvilluesve të lojrave që kushtojnë më tepër se $34 të përfshijnë një game trial me kohë të limituar në PlayStation Store. Në këtë mënyrë të gjithë të abonuarit në planin PlayStation Plus Premium do të përfitojnë një demo për të gjitha lojrat e mëdha të përfshira.
Të gjitha studiot që do të krijojnë lojra me çmim më të lirë se $34, nuk do të kenë detyrim të përfshijnë një demo të tillë.
Në raportim tregohet se zhvilluesit nuk janë prezantuar ende zyrtarisht me këtë ndryshim, por njoftimi erdhi nga një update i bërë në portalin e zhvilluesve të Sony. Nëpërmjet kësaj politike të re, studiove do t’iu duhet të përpiqen akoma dhe më tepër, duke shpenzuar kohë dhe fonde për të krijuar demot me kohë të limituar. Një tjetër përjashtim nga kjo politikë janë dhe lojrat VR.
Zhvilluesit do të kenë 3 muaj kohë që të përshtaten me ndryshimin, që nga momenti që lajmi të zyrtarizohet. Demot e personalizuara, fundjavat falas apo një game trial me kohë të limituar mund të ofrohen nga zhvilluesit për të gjithë përdoruesit e PlayStation.
