Gjatë kohëve të fundit ka patur shumë raportime mbi serinë X80 të Vivo, mirëpo më në fund gjithçka është zyrtarizuar. Seria X80 do të përbëhet nga Vivo X80, X80 Pro dhe X80 Pro + (ky i fundit do të prezantohet gjatë 3 mujorit të tretë të këtij viti).
Vivo X80
Dhe pse ky do të jetë smartphone-i me çmimin më të përballueshëm nga e gjithë seria, ai do të fuqizohet nga proçesori më i fuqishëm i MediaTek, Dimensity 9000. Ekrani i pajisjes do të jetë 6.78” AMOLED me refresh rate 120Hz, i cili është prodhuar nga Samsung.
Bateria me kapacitet 4,500mAh do të mund të karikohet shumë shpejt me karikuesen 80W, një përmirësim mjaft i ndjeshëm në krahasim me pajisjet paraardhëse.
Për sa i përket kamerave, Vivo X80 do të vijë me sensorin kryesor 50MP IMX866 nga Sony, kameran telephoto 2x 12MP dhe atë ultrawide 12MP. Kamera selfie do të ketë rezolucion 32MP.
Smartphone-i do të vijë në opsione të ndryshme memorie, 8/12GB RAM dhe 256/512GB internal storage, dhe çmimi për opsionin bazë do të jetë $565.
Vivo X80 Pro
X80 Pro do të jetë një pajisje me shërbime më të avancuara se modeli X80, duke nisur që nga proçesori i përdorur, që do të jetë Snapdragon 8 Gen 1, por ju mund të zgjidhni dhe një version me Dimensity 9000. Ekrani 6.78 inç AMOLED vjen me rezolucion QHD+, 120Hz dhe teknologjinë majft efiçiente për baterinë LTPO2. Skanuesi i shenjës së gishtit do të jetë 38.7% më i madh se skanuesit e përdorur në pajisjet paraardhëse.
Në pjesën e pasme të pajisjes janë të përfshira 4 kamera: ajo kryesore 50MP ISOCELL GNV nga Samsung, telephoto 2x 12MP, telephoto 5x 8MP dhe ajo ultrawide 48MP. Në pjesën e parme do të përfshihet kamera selfie 32MP. Të gjitha këto kamera do të përfitojnë nga proçesori V1-ISP duke shkrepur fotografi me cilësi më të mirë në ndriçim të ulët.
Bateria ka kapacitet 4,700mAh dhe do të mund të karikohet me shpejtësinë 80W me kabull, dhe 50W pa kabuj.
X80 Pro do të vijë në tre ngjyra: Black, Orange dhe Green dhe çmimi fillestar për modelin bazë 8/256GB do të jetë $840.
