Personi më i pasur në botë ka treguar se ai nuk zotëron asnjë shtëpi për momentin dhe se i duhet të përplaset në dhomat boshe të miqve të tij.
“Unë nuk zotëroj asnjë shtëpi aktualisht, po qëndroj në shtëpitë e miqve.” tha Elon gjatë një interviste me Chris Anderson. “Nëse unë udhëtoj në Bay Area, që është zona ku banojnë shumica e inxhinierëve të Tesla, rrotullohem në dhomat boshe që ato kanë.”
Nëpërmjet këtyre deklaratave Musk (me një pasuri prej $251 miliardë sipas Bloomberg) po i përgjigjej komentit të Anderson se shumë njerëz ishin të ofenduar nga koncepti i miliarderëve, ndërkohë që në botë ka shumë pabarazi të lidhura me pasurinë.
“Sigurisht do të ishte një problem i madh nëse unë do të shpenzoja miliarda dollar në vit për konsum personal, por ky nuk është rasti.” shtoi Musk, duke thënë se ai nuk zotëron një jaht si gjithë miliarderët e tjerë dhe se nuk shkon shpesh në pushime.
Është dëgjuar shumë herë për stilin e veçantë të miliarderit, i cili pak më parë jetonte në një shtëpi të parafabrikuar $50,000 (fotoja më lart) të cilën e merrte me qera nga SpaceX. Në një intervistë, partnerja e tij Grimes tregoi se “Elon ndonjëherë jeton nën nivelin e varfërisë”. Ai kishte refuzuar të blinte një dyshek të ri dhe pse pjesa ku ajo flinte kishte një gropë.
